நட்சத்திரக் குட்டி - புகைப்படப் போட்டிக்கு

யுதிகா - நண்பரின் மகள். எப்படி எடுத்தாலும் அழகாய் இருப்பார்கள் குழந்தைகள்!

ஜெயாவில் நிலா

சமீபத்தில் இந்தியா சென்றிருந்த போது ஜெயா டிவி காலை மலருக்காக என்னை நேர்முகம் செய்தார்கள் - எழுத்தாளர், பத்திரிகையாளர் என்ற வகையில். திங்களன்று வரும்
என்றிருக்கிறார்கள். காலை 7.30 மணிக்கு யோகாவுக்குப் பின் வருமாம். முடிந்தால் பாருங்கள். வேலையை ஒத்திப்போட்டு காத்திருந்து வராவிட்டால் என்னைத் திட்டாதீர்கள்.

வேறொரு நேர்முகத்தில், எனக்கு சிறுகதைகளை விட சுயமுன்னேற்றக் கட்டுரைகள் இலகுவாக வருவதாக ஒரு மூத்த பத்திரிகையாளர் குறிப்பிட்டார். ஆச்சரியம் கலந்த மகிழ்ச்சி! முதன் முதலாக எழுதும் 'மனசே சுகமா?' தொடர் இப்படி ஒரு பெயரை வாங்கித்தருமென்று எதிர்பார்த்திருக்கவில்லை. அதனை இங்கே காணலாம்:

http://www.nilacharal.com/tamil/success/index.html

எனது சிறுகதைத் தொகுப்பான கருவறைக்கடனுக்கு எதிர்பாராத இடங்களிலிருந்தெல்லாம் பாராட்டு வந்தது. சந்தியா பிரசுரத்தார் பல இடங்களுக்கும் நூலை அனுப்பி இருந்ததை உணர முடிந்தது. நன்றி சொன்னேன்.

இந்தியாவில் பல வலைப் பதிவர்களைப் பார்க்க வேண்டுமென்ற ஆவல் நிறைவேறாமல் போனது - குடும்பத்தில் இரு முக்கிய மரணங்கள், எதிர்பாராத சில வாய்ப்புகள், முன்பே ஒப்புக் கொண்டிருந்த சில கடமைகள் என உறங்க, உண்ண நேரமில்லாமல் ஓடிப்போயின 3 வாரங்கள்.

சந்திக்கிறேன் என்று சிறில் அலெக்ஸ், அருள், மணியன் போன்ற சிலருக்கு வாக்குத் தந்திருந்தேன். வாக்குத் தவறியமைக்கு மன்னிக்கவும்.

இந்தியப் பயணத்தில் சேவாலயா மாணவர்களுடன் செலவிட்ட இரு மணி நேரங்கள் மறக்க முடியாதவை. ஒரு ஆத்மார்த்தமான பிணைப்பை உணர்ந்தேன். விரிவாக எழுத நேரம் அமையுமென்று நம்புகிறேன்

TCS-ல் இளையராஜா

சேவாலயாவிலிருந்து வந்த மின்னஞ்சலைக் கீழே தருகிறேன்:

Ilayaraja, a product of Sevalaya got selected in TCS selection process yesterday and will be joining TCS next month.

This boy lost his father when he was seven years old. His mother was selling peanuts in Thurininravur railway station. She was not able to support the boy and hence came and left the boy under Sevalaya's care, 18 years ago. He grew up in Sevalaya, completed his studies and then finished his diploma in computer science. He appeared for WTI test and interview and was selected to work in the Barclays BPO project. After a year, TCS shifted this business to Intellinet and hence he became a intellinet employee. Now he has come back to TCS. He comes to Sevalaya every weekend and talks to the children about his experience. As Sevalaya grows, we would like Sevalaya to be managed by children grew up in Sevalaya. Hence we have taken him as one of the trustees, he is now part of Sevalaya management. Now he has taken a house and is taking care of his mother. Ilayaraja says "Sevalaya is solely responsible for my growth. Now I want to give back to the society and do my bit and make sure that all other kids at Sevalaya come up in life like me". His mother says "But for Sevalaya my son would have been selling peanuts in the station today as I was doing long ago. Never in my dreams I thought that my son will get a job in such a big organization".


எல்லாம் கிடைத்தும் எதுவுமே அடையாத பலருக்கு மத்தியில் எதுவும் கிடைக்காமல் தன் முயற்சியால் உயர்ந்த இளையராஜாவைப் பாராட்டியே தீர வேண்டும்.

இளையராஜாவுக்குப் படியமைத்துத் தந்த சேவாலயாவுக்கு இதில் மிக முக்கியப் பங்கிருக்கிறது. ஆதரவற்றோருக்கு இப்படி ஆக்க பூர்வமான வழிகளில் உதவி செய்து அவர்களது வாழ்க்கையை அவர்களே வகுத்துக் கொள்ள வழி செய்வது மட்டுமல்லாமல், தான் பெற்றதை அடுத்தவர்களுக்கு வழங்கும் பொறுப்பையும் கற்றுத் தருவதற்காக --- hats off to Sevalayaa!

மனவெளி

"இது நம்ம சுவாதி இல்லைங்க... நம்ம புள்ளையத் தொலைச்சிட்டோம்." அழுகையூடே பேசினாள் காந்திமதி.

"என்னவானாலும் சாப்பிட்டுப் பேசிக்கலாம், காந்தி. எழுந்து சாப்பிடு. பட்டினி கிடந்தா உன் உடம்புக்கு ஒத்துக்காது" சிவராமன் ஆதரவாய்ச் சொன்னார்.

"மனசே ஆறமாட்டேங்குதுங்க... எல்லாத்துக்கும் எதுத்து எதுத்துப் பேசறா. போனா போகுதுன்னு விட்டா இப்படி சாமி காரியத்திலயும் சொன்ன பேச்சு கேக்க மாட்டேன்னா என்ன பண்ண முடியும் சொல்லுங்க... அவளுக்கு ஏதாவது ஆகிறக்கூடாதுன்னுதானே சொல்றேன்" .... மேலும்

மனசே சுகமா?

நாம் மகிழ்ச்சியாக இல்லாததற்கு எத்தனையோ காரணங்கள் இருக்கலாம்.

"போதுமான பணம் இல்லை"
"மாமியார் கொடுமை"
"கல்யாணம் ஆகவில்லை"
"வேலை பிடிக்கவில்லை"
"என்னை யாருக்கும் பிடிக்கவில்லை"

பொதுவாக, இப்படி நமக்கு அப்பாற்பட்ட ஏதாவதொரு காரணம்தானிருக்கும். அதாவது நமக்கு வெளியிலுள்ள ஏதேனும் ஒன்றில்தான் நமது மகிழ்ச்சி இருப்பதாக நினைப்போம். 'மகிழ்ச்சி மனதில்தான் இருக்கிறது' என்று எத்தனையோ மகான்கள் எவ்வளவோ விதங்களில் சொன்னாலும் அவையெல்லாம் வெறும் தத்துவக் குப்பைகளாகவே நமக்குப் படுகின்றன.
இந்த சிறிய பயிற்சியை செய்து பாருங்கள்: மேலும்

நீங்கள் மகானாக முடியுமா?

ஒரு கட்டுரைக்காக உங்கள் கருத்துக்கள் தேவைப்படுகின்றன, நண்பர்களே! கீழ்க்கண்ட கேள்விகளுக்குப் பதிலளித்தால் மகிழ்வேன் - இதில் சரி தவறு என்றுமில்லை என்பதை அறிவீர்கள்தானே! ஒவ்வொரு தனிமனிதரின் அனுமானத்தையும் அறிவதுதான் நோக்கம். பொதுவில் பதிலெழுத விருப்பமில்லை என்றால் எனக்கு nila at nilacharal dot com -க்கு எழுதுங்கள்

மகான் என்பவர் யார்?

ஒருவரை மகான் அல்லது ஆன்மிக குரு என எப்போது ஏற்றுக் கொள்கிறோம்?

மகானுக்கும் குருவுக்கும் வேறுபாடுகளுண்டா?மகான்/ குருவின் குணநலன்கள் என்ன?

மகான்/ குருவிடம் உங்களின் எதிர்பார்ப்பென்ன?மகான்/குரு மதசார்பானவரா?

மகான்/குரு மூலம் அற்புதம் ஏதேனும் கண்டிருக்கிறீர்களா? ஆம் என்றால் பகிர்ந்து கொள்ள முடியுமா?

அற்புதம் செய்பவரெல்லாம் மகான்/குரு என நினைக்கிறீர்களா?

மகான்/குரு ஆக ஒருவர் முயற்சி செய்தால் அது சாத்தியப்படுமா அல்லது அதனை வரம் என எண்ணுகிறீர்களா?

உங்களுக்கு மகானாக/குருவாக விருப்பமுண்டா?

மகான்/ குரு உங்கள் வாழ்க்கையை மாற்ற முடியும் என நினைக்கிறீர்களா? ஆம் என்றால் எப்படி?

தலைவிதியை நம்புகிறீர்களா?

உதவிக்கு நன்றி நண்பர்களே!

கலக்கல் காவ்யா

குழந்தைகளோடு வேலை செய்வது எனக்குப் பிடித்த விஷயம் - வேலை என்றால் கல்லுடைப்பது, செக்கிழுப்பது என்றெல்லாம் நினைத்துவிடாதீர்கள் :-)

முன்னமே பலமுறை சொல்லியிருப்பது போல அவர்களைப் படம் பிடிப்பது, எழுத வைப்பது, வரைய வைப்பது போன்ற க்ரியேடிவான வேலைகள்.
முதல் முதல் குழந்தைகளுக்காக ஒரு படம் எடுக்கலாமென்று 15 நிமிடத்தில் எழுதிய கதை முகவரி முக்கியம். படமும் பிடித்தோம். நன்றாக நடித்திருந்தார்கள் குழந்தைகள். ஆனால் திருமண வீட்டில் படம்பிடிக்கும் கேமராமேனை குறும்படத்திற்கு உபயோகப் படுத்தினால் என்ன நடக்குமோ அதுதான் நடந்தது.

அவர் மேல் மட்டும் தப்பு சொல்லி என்ன ப்ரயோஜனம்? இயக்குநரான நமக்கு அந்த டெக்னிகல் அறிவெல்லாம் கிடையாதே! ஹும்... அவ்வளவு வேலை செஞ்சு அதை வெளியிடவே முடியலை.அதனால குறும்படம் எடுக்கற வேலையெல்லாம் மூட்டைகட்டி வச்சிட்டேன். ஒழுங்கா முறையா டைரக்ஷன் படிச்சிட்டு நேரடியா ஏலியன் படம் எடுக்கறதா திட்டம். அட, எவ்வளவு நாளுக்குத்தான் ஹாலிவுட்தான் நம்ம குறிக்கோள்னு சொல்றது. வித்தியாசமா வேற்றுகிரகவாசிகளோட சேர்ந்து படம் எடுக்கறதுதான் நம்ம லெவலுக்கு சரியா இருக்கும் :-)))

அதனால் அவ்வப்போது குழந்தைகளுக்காகக் கதைகள் எழுதுவதோடு நிறுத்திக் கொள்வது வழக்கம். கலக்கல் காவ்யா என்ற ஒரு சிறுமியின் புத்திசாலித்தனமான நடவடிக்கைகளை அடிப்படையாகக் கொண்டு சில கதைகள் எழுதியிருக்கிறேன். அவற்றில் ஒன்றினை இங்கே காணலாம்:

http://www.nilacharal.com/poonchittu/children_stories/children_story_241.asp

இந்த வரிசையில் பிரசுரமாகாத கதைகள் இன்னும் சில உள்ளன. நிலாச்சாரலில் வெளியிடுவதா அச்சு இதழ்களுக்கு அனுப்புவதா என்று புரியாத குழப்பம் இன்னும். அச்சு இதழ்களுக்கு பரிசீலனைக்கு அனுப்பினால் கிணற்றில் போட்ட கல் போலத்தானே இருக்கிறது! வெறுத்துப் போய்விடுகிறது. அதனால் அநேகமாக நிலாச்சாரலில்தான் வரும்.
கதையைப் படிச்சிட்டுச் சொல்லுங்க... உங்க வீட்டு வாண்டுகளோட கருத்தை சொன்னீங்கன்னா இன்னும் நல்லா இருக்கும்